Sussed!
English version
Un o'r gemau teuluol newydd ar y farchnad sydd yn cyffroi ni eleni ydy Sussed!
Roedd y gwneuthurwyr yn ddigon caredig i roi sampl i ni brofi – i ddweud y gwir, fe wnaeth un o'r enillwyr het gorau yng Ngwobrau CLIC eleni gerdded i ffwrdd gyda Sussed! felly rydym yn edrych ymlaen at eu hadborth.
Yn y cyfamser, efallai dy fod eisiau buddsoddi mewn un ar gyfer Dydd Gŵyl San Steffan pan fydd y teulu yn dod draw. A gan ei fod yn gwis personoliaeth efallai byddet yn darganfod ychydig o bethau am dy Fodryb Beryl ar ôl iddi gael ychydig o sieri.
Mae Sussed! yn gwneud hi'n fwy o hwyl i ddarganfod pethau am bobl. Y bwriad ydy i sgorio'r mwyaf o bwyntiau gan ateb cwestiynau am chwaraewyr eraill, fel beth maen nhw'n hoffi, ddim yn hoffi, ymatebion, dymuniadau a barn. Mynega dy farn di ar bynciau ffordd o fyw fel selebs, ffasiwn, ffilm, bwyd, iechyd, cerddoriaeth, siopa, chwaraeon, teithio a theledu. Cymhara sut rwyt ti'n ystyried dy hun efo'r ffordd mae eraill yn ystyried ti.
Bywiog, agoriad llygaid a doniol iawn, gall y gêm gael ei chwarae gyda theulu, ffrindiau a dieithrion i ddarganfod pa mor dda wyt ti yn beirniadu cymeriad rhywun. Y mwy rwyt ti'n meddwl am yr ateb y pellach o'r ateb cywir rwyt ti'n debygol o gael. Nid oes angen unrhyw wybodaeth gyffredinol.
Mae Sussed! ar gyfer rhai dros 12 oed ac ar gyfer rhai ifanc a hŷn i ddod i adnabod ei gilydd yn well. Rhai esiamplau o gwestiynau ydy: "Beth wyt ti'n dymuno gallet ti wneud yn fwy na dim arall? A. Siarad gydag anifeiliaid B. Darllen meddyliau pobl C. Cyfathrebu gydag ysbrydion" a "Beth sydd yn gwneud i fi chwerthin fwyaf? A. Lluniau doniol B. Jôcs doniol C. Fideos doniol."
Mae Sussed! yn £8.99 ac ar gael o Amazon, HMV a rhai siopau ar y stryd fawr.
Tudalennau Chwaraeon a Hamdden
