Gwybodaeth » Addysg » Addysg Uwch
Yn yr Adran Hon
Mae addysg uwch yn golygu llawer mwy na dim ond astudio am radd. Mae’n gyfle i gyfarfod pobl newydd, dysgu bod yn annibynnol a manteisio ar ystod eang o gyfleoedd newydd.
Os ydych yn meddwl am ymgeisio i’r Brifysgol bydd angen i chi ystyried pa bwnc neu gyfuniad o bynciau yr hoffech chi eu hastudio a ble yr hoffech astudio. Ymchwiliwch ac edrychwch i mewn i’r gwahanol Brifysgolion gymaint â phosibl cyn gwneud eich penderfyniad.
Cynigir ystod eang o bynciau i’w hastudio yn y Brifysgol, o’r pynciau mwy traddodiadol fel Saesneg, Mathemateg a Gwyddoniaeth i’r rhai mwy anghyffredin fel astudiaethau golff a phypedwaith!
Mae addysg uwch yn brofiad gwahanol iawn i addysg ysgol neu goleg, disgwylir llawer mwy oddi wrthych chi. Bydd eich tiwtoriaid yn rhoi canllawiau i chi ond chi sy’n gyfrifol am eich presenoldeb, eich dysgu eich hun ac am reoli eich amser.
Bydd angen i chi feddwl hefyd am sut y byddwch yn talu am eich astudiaethau ac a ddymunwch fyw oddi cartref wrth i chi astudio. Yn dibynnu ar eich amgylchiadau, mae gan y rhan fwyaf o bobl hawl i ymgeisio am gymorth ariannol i’w helpu i dalu am eu hastudiaethau.
Gall yr erthyglau yn yr adran hon roi cyngor i chi ynglŷn â sut i baratoi ar gyfer Prifysgol a rhoi gwybodaeth i chi am ymgeisio, cyfweliadau, astudio dramor a blynyddoedd i ffwrdd.
